• Мартин Танасковски
Екипата на Сараево се радува на Куп-трофејот во Босна и Херцеговина, по двомечот кој го играше со Широки Бријег, тим предводен од македонскиот стратег Гоце Седлоски.
Сараево го доби првиот натпревар со убедливи 3-0, додека во вториот кој се играше на теренот на Широки Бријег загуби минимално, па со вкупни 3-1 дојде до титулата.
Тимот на Седлоски беше немоќен за сензација, против екипата во чии редови има еден македонски репрезентативец - Крсте Велкоски. Единствениот погодок на мечот беше дело на Багариќ во 23. минута од средбата.
За Сараево ова беше шеста титула во Купот на Босна и Херцеговина.
