• Мартин Танасковски
Челниците на регионалната АБА-лига закажаа состанок на кој ќе разговараат на повеќе теми, пред се сопственичката стуктура на лигата и бројот на клубови од една земја.
Отворена е дебатата и за проширување и менување формат на АБА-лигата, а состанокот е закажан на 14 април. Засега, се во рамки на неофицијалното, кое носи информација за можно место на Македонија во регионалното натпреварување преку првенството.
Исто така, неофицијални информации се дека три клуба кои доаѓаат надвор од територијата на поранешна Југославија сакаат учество во АБА. Тоа се екипите на Виена од Австрија, Клуж од Романија и тимот на Абу Даби од Дубаи.
Исто така се споменува дека четирите клуба од АБА-2 лигата кои се дел од Ф4-турнирот, тоа се Војводина и Златибор од Србија, Илирија од Словенија и Босна Сараево од БиХ.
Одговорите на овие нејаснотии ќе се дознаат на 14 април, за кога е закажана седницата на челниците на регионалното натпреварување.
