• Горан Упале
Петер Бош, тренерот на ПСВ Ајндховен, е решен да не дозволи катастрофалниот пораз во првиот осминафинален натпревар од Лигата на шампионите против Арсенал (1-7) да му попречи на неговиот тим во остатокот од сезоната.
Холандскиот претставник беше понижен на домашен терен против „топџиите“, кои станаа првиот тим кој постигнал седум гола на гостински терен во еден натпревар од нокаут-фазата од елитното натпреварување.
„Секако дека ќе морам да се вратам на вистинскиот колосек. Мораме да го направиме тоа заедно. Покажавме дека можеме против Јувентус, како и против Феенорд во Купот", изјави Бош.
Тој издвои два моменти кои можеа да го однесат натпреварот во друга насока.
„При 0-0 ја погодивме гредата. Вториот момент е кога можеа да добијат втор жолт картон“, алудираше Бош на ситуацијата кога Луис-Скели невнимателен стартуваше во моментот кога веќе имаше жолт картон, по што беше брзо заменет“, вели тренерот на Холанѓаните.
Сепак, свесен е дека поразот е заслужен, и не бара изговори.
„Беше болно, понижувачко. Немавме шанса. Нè надиграа. Многу лошо. Игравме против тим кој е многу добар, а ние сме во тешка фаза“, заклучи Бос.
Реваншот е закажан за Лондон во среда на 12 март (21:00 часот).
