• Мартин Танасковски
Новиот македонски репрезентативец Давид Тошевски покажа зошто се најде во фокусот на Благоја Милевски и доби место во националниот тим, затоа што пак блесна во австриската Бундеслига.
Австрија Клагенфурт на гостински терен изненади и го победи Хартберг со резултат 3-2, а сите три гола за победничката екипа ги даде супер – Тошевски!
- Головите на Давид Тошевски против Хартберг:
Центарфорот прво пред крајот на првиот дел израмни на 1-1, а потоа во вториот дел прво погоди за 1-2 додека течеше 63. минута, па пред крајот, во 83. минута, следеше трет гол во мрежата на Хартберг за голема победа.
Ова е многу важна победа за Австрија Клагенфурт во битката за место во еврокуповите. 23-годишниот Тошевски со овие три гола дојде до бројката од пет гола во Бундеслигата оваа сезона.
