• Мартин Танасковски
Американската тенисерка Џесика Пегула е последна учесничка во полуфиналето на Мастерс-турнирот во Мајами во конкуренција кај дамите.
Четвртата носителка по повеќе од два часа игра славеше над Ема Радукану од Велика Британија со резултат 2-1 во сетови (6-4, 6-7, 6-2). Мечот беше супер-интересен, уживање за сите љубители на тенисот.
Во полуфиналето Пегула ќе игра против филипинската тинејџерка која е сензација во Мајами, Александра Еала. Втората полуфинална двојка ја сочинуваат Арина Сабаленка и Јасмине Паолини.
