• Горан Упале
Милан ќе мора да се снаоѓа во наредните недели без Кајл Вокер, кој денеска беше успешно опериран по скршеницата на лакотот, потврдија од раководството на клубот.
Ова е лоша вест за италијанскиот клуб кој е среде битка за место во Лигата на шампионите следната сезона. Милан не е во поволна ситуација, на табелата во Серија А е на деветтото место со 48 бода - девет помалку од четвртопласираната Болоња.
До крајот на сезоната има преостануваат уште девет кола, но големо прашање е колку Милан ќе може да напредува без главното засилување во зимскиот преоден рок.
Вокер одигра само десет натпревари за „росонерите“. За тоа време забележа само една асистенција, а му претстои пауза од неколку недели која може да трае до крајот на сезоната.
Клупските челници се надеваат дека тој ќе се врати што е можно поскоро, но 34-годишниот дефинитивно нема да може да му помогне на својот тим во реваншот од полуфиналето на Купот на Италија против градскиот ривал Интер.
