• Зоран Мишевски
Откако на крајот од претходното издание на Лигата на нации првпат се соочивме со три натпревари во една недела, сега пак нашата репрезентација ја чека исто сценарио. Затоа селекторот Игор Ангеловски и стручниот штаб мора да ги распоредат силите, да одлучат кои натпревари се приоритетни и колку се сериозни повредите и болките на некои фудбалери.
Така, скоро сигурно е дека Адеми и Велковски нема да настапат вечерва во Букурешт против Романија, а големи се шансите да ги видиме в недела против Лихтенштајн, па и следната среда во Дуизбург против Германија.
Се очекува да нема изненадувања и Македонија да се презентира со 3-4-3 системот, со кој најчесто играше и во последните неколку години. Нападот ќе го предводат тројца фудбалери кои настапуваат во Серија А: Елмас, Пандев и Несторовски.
Можен состав на македонската репрезентација против Романија:
Димитриевски, Ристовски, Бејтулау, Муслиу, Ристевски, Алиоски, Барди, Николов, Елмас, Пандев (капитен), Несторовски
Правдата вечерва во Букурешт ќе ја делат судии од Португалија. Главен арбитар е Фабио Верисимо од Португалија, а асистенти му се Луис Кампос и Бруно Родригез.
