• Саше Љолес
Судиската организација при Фудбалската федерација на Македонија се огласи по повод неколкуте спорни ситуации во 28. коло од Првата македонска лига.
Во врска со натпреварот помеѓу Шкупи и Силекс, беше истакнато дека при израмнувачкиот погодок за гостинската екипа во 62. минута постои прекршување на Правилата, иако ситуацијата е технички исклучително комплексна за проценка, но видео анализата укажува дека голот не требало да биде признаен поради офсајд прекршок од напаѓачот кој со минимален дел од телото е понапред од топката. Одговорноста за ваквата погрешна проценка на вториот помошен судија е препознаена и од контролорот на натпреварот Горан Спирковски од Прилеп со негативна оцена од 7,9.
Што се однесува до дуелот помеѓу Струга Трим Лум и Гостивар, беше пријавен моментот од 85. минута, при резултат 0-1 за Гостивар, и посочено е дека не постои никаква материјална повреда од страна на судиската четворка. Извештајот на контролорот Зоранчо Илиевски од Битола е со највисока оценка 8.5 за главниот судија и вториот асистент, а првиот асистент и четвртиот се оценети со 8.4 и го водеа натпреварот без ниту една грешка.
Целосната анализа можете да ја погледнете на ОВОЈ линк.
