• Иван Димовски
Карлос Саинц заработи казна по трката за Големата награда на Јапонија. Не станува збор за казна со места или на ранкингот, туку од финансиска природа и тоа поради бизарно правило.
Имено, Шпанецот задоцнил на интонирањето на химната на Јапонија. Традиционално на 46 минути пред секоја трка е закажана химната на земјата домаќин, а овојпат Саинц задоцнил и со тоа ги прекршил правилата.
За овој престап Саинц е казнет со 20.000 евра, од кои половина нема да бидат наплатени ако во следната година не ја повтори грешката. Интересно е дека пропишаната казна за ваков прекршок е 60.000 евра, меѓутоа ФИА ја ублажи казната бидејќи Саинц открил дека имал стомачни проблеми.